തൃശൂർ: ലോകത്തു നടക്കുന്ന ഭൂരിഭാഗം സൈബർതട്ടിപ്പുകളും നടക്കുന്നതു സാങ്കേതിക ചതിയിലൂടെയല്ല, മനുഷ്യമനസിനെ സ്വാധീനിച്ചാണെന്ന് കേരള പോലീസ് അക്കാദമി ഡയറക്ടറും ഐജിയുമായ കെ. സേതുരാമൻ.
ജ്യോതി എൻജിനീയറിംഗ് കോളജിൽ തൃശൂർ ജില്ലയിലെ വിവിധ വിദ്യാഭ്യാസ സ്ഥാപനങ്ങളിലെ മേധാവികൾക്കായി സംഘടിപ്പിച്ച സൈബർ തട്ടിപ്പിനെക്കുറിച്ചുള്ള ബോധവൽക്കരണ സെമിനാർ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
വെർച്വൽ അറസ്റ്റ് തട്ടിപ്പുകൾ, യുപിഐ ഇടപാടുകളിലെ വഞ്ചനകൾ തുടങ്ങിയ യഥാർഥ സംഭവങ്ങൾ ഉദാഹരണമായി ചൂണ്ടിക്കാട്ടി.
പൊതുജനങ്ങൾ കൂടുതൽ ജാഗ്രത പാലിച്ചാൽ ഒരുപരിധിവരെ ഇത്തരം തട്ടിപ്പുകൾ തടയാനാകുമെന്നും അദ്ദേഹം പറഞ്ഞു. ജ്യോതി എൻജിനീയറിംഗ് കോളജ് സൈബർ സെക്യൂരിറ്റി വിഭാഗം സംഘടിപ്പിച്ച സെമിനാറിൽ പ്രിൻസിപ്പൽ ഡോ. പി. സോജൻലാൽ, വകുപ്പുമേധാവി ഡോ. ഗീതു മേരി ജോർജ്, എം. രമ്യ എന്നിവർ പ്രസംഗിച്ചു